«Башкаларның тыныч тормышы хакына үзен аямый һәлак булган Алмаз алдында баш иябез»
Башкортстанның Илеш районында Украинадагы махсус хәрби операциядә һәлак булган Алмаз Гыйльметдиновны соңгы юлга озаттылар. Бу хакта Илеш районының «Маяк» газетасы «ВКонтакте» төркемендә хәбәр иттеләр.
Бүген илешлеләр Украинада махсус хәрби операция барышында кыюлык һәм каһарманлык үрнәге күрсәткән Иске Татыш авылы егете – взвод командиры, 45 яшьлек Алмаз Газизҗан улы Гыйльметдинов белән бәхилләште.
Матәм чарасында батырны соңгы юлга озатырга муниципаль район хакимияте башлыгы Илдар Мостафин, Дүртөйле шәһәре, Дүртөйле һәм Илеш районнары хәрби комиссары Рәүф Яхин, «Хәрби туганлык» район җәмәгать оешмасы рәисе Фларис Нурлыгаянов һәм әгъзалары, гаиләсе, туганнары, дуслары, авылдашлары килгән иде.
«Туган илебезне яклап, башкаларның тыныч һәм бәхетле тормышы хакына үзен аямый һәлак булган якташыбыз алдында баш иябез», – диелә хәбәрдә.
