Мәскәү табиблары 51 яшьлек хатынның яңагында үскән 12 см озынлыктагы суалчанны алган. Бу турыда РЕН ТВ хәбәр итте.
51 яшьлек хатын Люберецкий хастаханәсенә мөрәҗәгать итә, ул гел яңагы кычытып торуга зарлана.
Сәламәтлек саклау министрлыгы матбугат хезмәте белешмәсе буенча, пациентны казналык-бит бүлегендә тикшергәннәр. Белгечләр шешкә охшаган әйбер булуын ачыклаган. Шуннан соң, анестезия ясап, хатынның яңагында кисем ясыйлар һәм суалчан күреп алалар.
«Анда гельминт үскән капсула бар иде. Ул ялкынсыну процессы китереп чыгарган, суалчан хәрәкәтләнгәндә кычыту барлыкка килгән. Без капсуланы яңактан алдык, 12 см озынлыктагы суалчанны тартып чыгардык, аннары җөйләр салдык», – дигән табиблар.
Табиб сүзләренчә, ул 10 ел эшләү дәверендә мондый очракны беренче тапкыр күргән.
Суалчан гади черки тешләгәннән соң барлыкка килгән. Черкидә гельминтоз булган, диелә хәбәрдә.
Хәзер хатын үзен яхшы хис итүе билгеле.
