Узган атнада Мәскәүдә бер хатын-кызны вәхшиләрчә үтергәннәр. Әлеге эшне тикшерү турында башкала прокуратурасында сөйләгәннәр. Ведомство белешмәсе буенча, гаепләнүче ир-ат анасының апасы белән талаша. Алар Мәскәү өлкәсендәге җир кишәрлеге өчен талашып яши. Участокка милек хокукы шушы хатыннарга тигез өлештә бүленгән булган. Бу турыда «Вести» каналы хәбәр итте.
«Бәхәс җир участогын куллану тәртибе аркасында килеп чыга. Шуннан соң 2022 елның декабрендә хатын-кыз судка гариза биреп, сервитут сорый», – диелә хәбәрдә.
Ир-ат исә туганын юкка чыгарырга карар итә. Электрон түләүдән файдаланмыйча гына, ул, акча түләп, киемнәр сатып ала, аннары шуларны киеп җинаять кыла. Эзен яшерү өчен, мобиль телефонын өйдә калдыра, үтерү урынына барышлый, кибеткә кереп пычак ала.
Җинаятьтә шикләнелүче ир-ат ишектәге күзчекне яба һәм апасы яши торган фатирга шалтырата. Хатын-кыз ишекне ачкач, аңа чама белән 15 тапкыр пычак кадый.
Яраланган хатын урында ук үлә, үтерүче качып китә. Ләкин аны тиз арада эзләп табалар. Хәзер бу кеше гаебен танып күрсәтмә биргән, диелә хәбәрдә.