Мәскәүдә яшәүче ир-ат хатынын бишенче каттан ыргыткан һәм үлемне үз-үзенә кул салу дип күрсәтергә маташкан. Бу турыда «Вести» каналы хәбәр итте.
Фаҗига 30 июльдә кич белән хатын йокымсырап киткәч булган. «Табуретка алдым һәм хатынга астан өскә таба бәрдем», – тикшерү эксперименты вакытында ир-ат шулай дип аңлаткан.
Аннары ир-ат тәрәзәне ачкан һәм хатынның гәүдәсен тәрәзә төбенә куйган, шуннан соң аска төшереп җибәргән.
Ир кан тапларын чистарткан да коткаручыларга шалтыраткан. Ул хатыны үзе тәрәзәдән сикерде дип әйткән.
Ләкин хатынның үз-үзенә кул салуы белән ялган барып чыкмаган, тикшерүчеләр кан тапларын күреп алган. Аннары сорау алганда ир гаебен таныган. Ул хатынын үтерү сәбәбен әйтми.
Җинаятьтә шикләнелүче 49 яшьлек ир-атны тоткарлаганнар, диелә хәбәрдә.
