Мәскәүдә Песиләр буасында 2 ир-ат боз астына төшеп киткән, берсе һәлак булган. Аларның котылырга тырышкан мизгелләре сурәтләнгән видеоны «Перово Новогиреево Вешняки» телеграм-каналында күрсәткәннәр.
РЕН ТВ белешмәсе буенча, 2 ир-ат ярдан берничә метр ераклыкта юка боз астына төшеп киткән. Алар башта үзләре котылырга маташкан. Берсе судан бозга чыга алган, иптәшен тартып чыгармакчы булган, тик кабат су астына төшеп киткән.
Буа янына шаһитлар җыелган. Алар да батучыларга ярдәм итәргә маташкан, озын пластик торба сузганнар. Ләкин батучылар торбага ябыша алмый. Шуннан соң ир-атларның берсе су астына төшеп китә һәм кире чыкмый.
Берничә минуттан урынга коткаручылар килеп җитә. Алар бер ир-атны коткара. Аннары су астына киткән ир-атны эзлиләр, тик таба алмыйча, ярга чыгалар. Хәзер аның мәетен эзлиләр.
Коткарылган ир-ат сүзләренчә, алар юлны кыскарту өчен боз өстенә кергән булган.
