Мәскәүнең төньягында башлары киселгән 2 ир-ат мәете табылган. Бу турыда Тикшерү комитетына сылтама белән «Вести» каналы хәбәр итте.
Башта башы киселгән һәм гәүдәсе пычак белән яраланган 1 ир-ат мәете табыла. Аннары торак йорттагы фатирда тагын 1 ир-ат табыла – анда да «көч кулланып үтерүнең шундый ук билгеләре» була.
Башкала прокуратурасы белешмәсе буенча, беренче ир-атның башы киселгән гәүдәсе иртән паркта табыла. Мәеттә пычак белән яралаган эзләр була.
Икенче ир-ат мәете шушы парк районындагы йортларның берсендә була.
Тикшерү эшләре бара, диелә хәбәрдә.
Эчке эшләр министрлыгының Мәскәү шәһәре идарәсе хәбәр иткәнчә, бу ир-атларны үтерүдә шикләнелүче кеше тоткарланган. Ул – 2000 елда туган ир-ат.
«Җинаятьче шәхесен ачыклау һәм тоткарлау өчен 1 тәүлектән кимрәк вакыт кирәк булды», – диелә хәбәрдә.
