«Башын — урманга, гәүдәсен — пакетка». Мәрхүм ир-атны кайчы белән кадап үтергәннәр
50 яшьлек хатын танышын үтерә, мәетне тураклап, пакетларга тутыра.
Владивосток шәһәрендә торак йорт подъездында целлофан пакетка салынган ир-ат мәете табылган. Ул кисәкләргә бүлгәләнгән булган. Бу турыда РЕН ТВ каналы хәбәр итте.
59 яшьлек ир-ат мәетен башта кайчы белән кадап тишкәләгәннәр, аннары башын һәм аяк-кулларын тимер пычкысы белән кисеп алганнар. Аннары мәет кисәкләрен чүп-чар пакетына тутырганнар. Мәетнең башын якындагы урманга илтеп ыргытканнар.
Ир-атка пычак белән дә кадаганнар. Әлеге коточкыч җинаятьтә шикләнеп моңа кадәр хөкем ителмәгән 50 яшьлек хатынны тоткарлаганнар. Хәзерге вакытта тикшерү эшләре бара.
РЕН ТВ каналы белешмәсе буенча, ир-ат белән хатын-кыз өйдә табын корып утыра. Аннары алар талаша башлый. Якынча белешмә буенча, бу ир-атны кайчы белән дә кадап үтергәннәр. Аннары исерек хатын айный һәм мәетне яшерергә маташа. Ул ир-ат гәүдәсен кискәләргә бүлгәли, чүп-чар пакетына салып, ит кебек чыгарып ташламакчы була.
Фатирда кан таплары, тимер пычкысы табыла. Бер почмакта канга баткан кайчы да була, диелә хәбәрдә.