Башкортстанның атказанган укытучысы, гимназия директоры Ратмир Камильянов үлгән
60 яшьлек укытучы коронавирустан вафат булган дип фаразлыйлар.
Башкортстан Республикасының атказанган укытучысы, Чакмагыш гимназиясе директоры Ратмир Камильянов 20 декабрьдә вафат булган. Якынча белешмә буенча, ул коронавирустан үлгән. Бу турыда «Башинформ» хәбәр итте.
Ратмир Камильянов 2005 елдан бирле гимназия директоры була. Ул җитәкләгән вакытта уку йорты зур уңышларга ирешә, мактаулы бүләкләргә лаек була.
«Каты авыру аны безнең тормыштан йолып алды. Ул тормышны бик ярата иде.Күңелдә бик авыр. Ратмир Фоатович үлеме турында куркыныч хәбәр аның укучылар өчен дә, хезмәттәшләре өчен дә зур кайгы», диелә уку йорты хәбәрендә.
