«Башкортстаннан кайткан Тямай бу!» — Гүзәл Уразова песиен Фирдүс Тямаевка охшатканнар
Татарстанның халык артисты Гүзәл Уразова Милашка исемле песиләрен видеога төшереп Инстаграм битендә урнаштырган. Җырчы инстачылардан видеога исем бирүне сораган.
«Безнең Милашка беренче тапкыр урамга чыккан иде, Самирны танымады. Нинди исем бирергә була бу видеога?» — дип сораган Гүзәл Уразова.
Инстачылар җырчыга үз вариантларын тәкъдим итеп язган. Кемдер хәтта Фирдүс Тямаевка да охшаткан: «Башкортстаннан кайткан Тямай бу!», — дип язганнар.
«Аптыраш», «мода күрсәтү — Мисс-Яз», «шок булган бу песигә», тирә-як белән танышу», — дип фаразлап караганнар язылучылар.
