Башкортстандагы авылда ике күршенең каралты-курасы берьюлы янган
Бирегә янгын сүндерә торган биш машина килгән.
Башкортстанның Бөрйән районындагы Яңа Монасыйп авылында 21 августта кичке якта зур янгын булган. Бу турыда «Башинформ» хәбәр итте.
Бер участокта торак йорт, тормый торган йорт, мунча, гараж янган. Аннары ут күршеләрнең йортына һәм сараена күчкән.
Янгынны кичке тугызынчылар тирәсендә сүндереп бетергәннәр. Биредә 12 коткаручы һәм биш янгын машинасы эшләгән.