Башкортстанда зур «Урал» астында калган җиңел машинадагы кешеләр үлеп беткән
Фаҗигадә 27 һәм 28 яшьлек ике ир-ат һәлак була.
17 гыйнварда кичке бишләр тирәсендә Башкортстанның Белорет районында юл һәлакәте була. Биредә ике кеше үлә. Бу турыда «Башинформ» хәбәр итте.
Белорет-Үткәл юлының 6нчы километрында Daewoo Nexia һәм йөк ташый торган Урал-4320 машинасы бәрелешә.
Daewoo Nexia машинасы белән 28 яшьлек ир-ат, «Урал» белән 25 яшьлек ир-ат идарә иткән.
Авария вакытында Daewoo Nexia йөк машинасы астында кала диярлек. Җиңел машинаны йөртүче дә, аның 27 яшьлек пассажиры да урында ук үлә. Тикшерү эшләре бара, диелә бу хәбәрдә.
