Башкортстанда җырчы кыз сыер эчәкләре өстендә биегән
Социаль челтәрләрдә кызны хайваннарны мыскыллауда гаеплиләр.
Башкортстандагы Evolet псевдонимы белән чыгыш ясаучы кыз сыер эчәкләре өстендә биегән, дип яза Ufa1.ru.
Ул аяк киемнәре белән эчәкләр өстендә таптана, роликка «Смешной и пьяный» җырын куйган.
Социаль челтәрләрдә кызны гаеплиләр. Лайк җыю өчен нинди генә адымнарга бармый дип язалар.
«Хайван эчәкләрен кар белән юалар, ә болай эшләү - мыскыл итү". - дип яза Гүзәл исемле укучы.
Кайберәүләр җырчының бу гамәлендә гаепләрлек әйбер күрми.
«Ярар, биегән. Ите тәмле булсын"», — дип яза берсе.
Журналистлар Evolet исеме белән чыгыш ясаган җырчы белән элемтәдә кергән. Җырчы кыз исемен әйтүдән баш тарткан, "безнең авылда бөтен кеше дә шулай эшли", - дигән.
«Бәлки бу видеоны элеп куярга кирәкмәгәндер. Ашар алдыннан аны чистартырга кирәк. Безнең авылда бөтен кеше кар белән чистарта", - дигән ул.