Башкортстанда тилчә вирусы (ящур) белән зарарланган малларны яндырганнар
"Вконтакте" социаль челтәрендә Туймазы районында тилчә вирусы белән зараланган малларны юкка чыгару видеосы барлыкка килде. Бу хакта "Башинформ" хәбәр итә.
Язмада күренгәнчә, малларны кырда яндыру башкарыла. Барлык мөгезле эре терлек - 500 баш тирәсе, өч торак пунктта - Үрмәкәй, Йәрмөхәмәт һәм Кандра авылындагы ООО "Нур" хуҗалыгында - юкка чыгарылырга тиеш, - дип яза "Башинформ".
Зыян күргән малларны юк итү буенча план төзелгән.
Башкортстан хөкүмәте малларны һәм куркыныч авыруларны бетергәндә продукцияне юкка чыгару турында карар кабул итте. Документка нигезләнеп, компенсация дәүләт тарафыннан билгеләп куелган бәяләргә карап түләнә. Башка очракларда түләү суммасы малның тере авырлыгының базар бәясенә карап түләнә.
Түләүләр өчен малларны һәм продукцияне юкка чыгару турындагы акт нигез булып тора. Компенсация алу өчен, өч ай эчендә Ветеринария Идарәсенә гариза һәм паспорт яки башка документның күчермәсен бирергә киршк.
