Башкортстанда сабыйларга иң күп кушыла торган исемнәр нинди?
Башстат 2020 елда иң популяр исемнәрне атаган.
Башкортстанда 2020 елда яңа туган сабыйларга иң күп кушыла торган исемнәрне Башстат оешмасы ачыклаган. Бу турыда «Башинформ» хәбәр итте.
Малайларга иң күп кушыла торган исем — Әмир.
Кызларга иң күп кушыла торган исем — Арина.
2020 елның ун аенда Башкортстанда 34 408 бала туган, бу былтыргы гыйнвар-октябрь айларына караганда 2,9 процентка кимрәк.
Статистлар белешмәсе буенча, төбәктә, илдәге кебек үк, әни булучыларның яше олыгая бар.
Алдагы унеллыкларда хатын-кызлар 20-24 яшьтә бала тапса, 2019 елда бу сан 25-29 һәм 30-34 яшькә күчкән, диелә бу хәбәрдә.
