Башкортстанда сабый бала шөреп йоткан һәм һәлак булган
Өйдә уйнап утырган бала буыла башлый.
Башкортстанның Каризел районында бер яшь ярымлык малай һәлак булган. Бу турыда «Башинформ» хәбәр итте.
13 декабрьдә бала өйдә була, ул шөрепләр белән уйный. Кызыксынучан сабый шөрепнең берсен йота һәм буыла башлый.
Әни кеше баласын хастаханәгә үзе алып килә. Ләкин табиблар малайга ярдәм итә алмый. Кызганычка каршы, ул үлә.
«Фаҗига урынына тикшерүчеләр һәм полиция хезмәткәрләре барды», — дип сөйләгәннәр Башкортстан буенча Тикшерү идарәсендә.
Криминалистлар экспертизалар билгеләгән, бала үлеменең сәбәпләре ачыклана, шаһитларны сораштыралар, гаиләнең яшәү шартларын өйрәнәләр, диелә бу хәбәрдә.