Башкортстанда олы яшьтәге хатын белән нәни кызны сукбай этләр талаган
Бәхеткә, аларны кышкы киемнәре эт тешләреннән саклап калган.
Башкортстанның белорет шәһәрендә сукбай этләр кабат кешеләргә ташланган. Бу турыда муниципалитет башлыгы Андрей Иванютага сылтама белән «Башинформ» хәбәр итте.
«Олы хатынга һәм сигез яшьлек кыз балага сукбай этләр ташлана, аларның аякларына ябышалар, өс киемнәрен ерткалыйлар. Шаһитлар коткаручыларга хәбәр итә. Урынга ашыгыч ярдәм, участок полиция хезмәткәре, коткаручылар килеп җитә. Алар агрессив этләрне куып җибәрә. Шаһитлар сүзләренчә, сукбай этләр алты була», — ди Белорет башлыгы.
Зыян күрүче бала белән хатынны травмпункт табиблары карый. Аларны калып кышкы киеме саклап калган, этләрнең тешләре кешеләрнең тәненә кадәр үтеп керә алмаган.
Урынга этләрне тота торган махсус хезмәтне чакырганнар, диелә хәбәрдә.