Башкортстанда әнисе белән улы янып үлгән
Бер түбә астында урнашкан агач йорт һәм гараж яна.
Бүген 4 мартта Бәләбәй шәһәрендә янгын сүндергәндә ир-ат һәм хатын-кыз мәете табыла. Алар әниле-уллы туганнар булып чыга. Әнисе 1953 елда, улы 1974 елда туган. Бу турыда «Башинформ» агентлыгы Гадәттән тыш министрлыгының Башкортстан буенча идарәсенә сылтама белән хәбәр итә.
Янгын сүндерүчеләр килеп җиткәндә, бер түбә астында урнашкан бер катлы агач йорт һәм гараж яна. Янгынны 13.36 сәгатьтә сүндереп бетерәләр.
Оператив белешмә буенча, янгын турында көндезге бердә хәбәр итәләр. Урынга 19 кеше һәм 7 берәмлек техника бара. Янгын сәбәпләре ачыклана, диелә хәбәрдә.