Башкортстанда ковид-госпитальдән кайта торган ашыгыч ярдәм бригадасы һәлак булган
Иртән-иртүк кайтып баручы ашыгыч ярдәм машинасы юл кырыенда торган йөк машинасына бәрелгән.
Бүген иртән Башкортстанның Уфа районында «М5 «Урал» юлының 1484 нче километрында ашыгыч ярдәм машинасы «Камаз» автомобиленә бәрелгән. Ашыгыч ярдәм машинасындагы ике кеше дә һәлак булган. Бу турыда Башкортстан буенча Эчке эшләр министрлыгының матбугат хезмәте хәбәр итте.
Иглин районында яшәүче 55 яшьлек ир-ат ашыгыч ярдәм машинасы белән идарә итә. Якынча белешмә буенча, ашыгыч ярдәм «Fiat» автомобиле «Камаз» машинасы бәрелә. «Камаз» ватылып, юл кырыенда тукталган булган.
Авариядән соң ашыгыч ярдәм машинасының йөртүчесе, аның 26 яшьлек пассажиры - фельдшер урында ук һәлак була.
Ашыгыч ярдәм машинасы авыру кешене Зубоводагы ковид-госпитальгә илткән һәм әйләнеп Иглин районына кайтып килә торган булган.
Тикшерү эшләре бара.