Башкортстанда көнче ир хатынының сөяркәсенең башына балта белән чапкан
Благовощенск шәһәрендә кибеттә канга баткан мир-атны тапканнар.
Башкортстанның Благовещенск шәһәрендә бер ир-атның башына балта белән чапканнар. Көнче ир хатынының сөяркәсенә һөҗүм иткән, дип «Башинформ» хәбәр итте.
Кибеттә канга баткан ир-ат ятуы турында полициягә хәбәр иткәннәр. Яраланган ир-ат үз аңында була. Ул үзенә кем һөҗүм итүен сөйләп бирә ала. Аның башына танышы балта белән сукканы ачыклана.
Җинаятьтә шикләнелүчене хокук саклаучылары тоткарлый. Ул корбанының телефонын да урлап алып киткән булып чыга. Бу ир-ат сүзләренчә, низаг хатын-кыз аркасында килеп чыга. Ул корбанына балта белән сугуын, аяклары һәм куллары белән кыйнавын сөйли.
Хәзер экспертизалар билгеләнгән, тикшерү бара, диелә хәбәрдә.
