Башкортстанда ир хатынын урындык белән кыйнаган, аннары хатын ирен чәнчеп үтергән
Кыйналган хатын иренең күкрәгенә пычак кадый.
Башкортстанның Караидел районара суды ирен үтерүдә гаепләнүче хатынга карата җинаять эшен тикшереп бетергән. Бу турыда «Башинформ» хәбәр итте.
Судның матбугат хезмәте белешмәсе буенча, 2021 елның июлендә бу хатын исерек була, ул ире белән талаша. Ир-ат ярсый һәм урындык алып, хатынының төрле урыннарына суга.
Кыйналган хатын үч саклап кала. Аннары ул аш-су пычагы алып килә һәм иренең күкрәгенә кадый. Ир-ат урында ук һәлак була.
Суд бу хатынны гаепле дип тапкан. Аны гомуми режимлы колониягә озаталар, диелә хәбәрдә.