Башкортстанда ике машина кара-каршы бәрелешкән: ике кеше үлгән, дүрт кеше имгәнгән
Ярмәк районында Vortex Estina һәм Volkswagen Polo һәлакәткә очраган.
29 июньдә Башкортстанның Ярмәк районында юл һәлакәте була. Бу турыда ЮХИДИга сылтама белән «Башинформ» хәбәр итте.
Биредә Vortex Estina һәм Volkswagen Polo кара-каршы бәрелешә.
Ике кеше урында ук үлә. Тагын дүрт кеше җитди имгәнә, аларны хастаханәгә илткәннәр.
Урында экстрен хезмәтләр эшли. Мәрхүмнәрнең шәхесләре ачыклана.
