Башкортстанда ике ир-ат үсмер егетне урлап, агачка бәйләп куйганнар

Башкортстанның Бәләбәй авылында ике ир-ат, күрше малайның телефон урлавында шикләнеп, аны урлап урманга алып киткәннәр һәм шунда агачка бәйләп калдырганнар. Үсмер бала бауларны чишә алган һәм үзе өенә кайткан, дип хәбәр иткәннәр Тикшерү комитетының республика идарәсендә.

"40 һәм 34 яшьлек ике ир-ат, күрше малай янына кереп, аны телефон урлавын танырга мәҗбүр итмәкче булганнар. Малай баш тарткан, аны автомобильгә утыртканнар һәм авылдан 200 метр ераклыктагы урманга алып киткәннәр. Баланы агачка бәйләгәннәр дә, үзләре китеп барганнар", - дип хәбәр итә тикшерүчеләр.

Үсмер бала бауларын чишә алган һәм өенә кайткан. Аның опекуннары полициягә мөрәҗәгать иткән. Шикләнелүче адәмнәргә карата балигъ булмаган баланы урлау буенча җинать эше кузгатылган. 

"Шикләнелүче ир-атлар тоткарланган, алар күрсәтмәләр бирә. Суд аларны әлегә ике айга сак астына алды", - диелә хәбәрдә.