Башкортстанда депутат - өч бала әтисе коточкыч юл һәлакәтендә үлгән
«Ул авылда юллар төзеде, аларны яңартты, фермер хуҗалыгы бар иде, авылдашлары өчен кибет ачты», — дип язалар мәрхүм хакында.
17 ноябрьдә кич белән Башкорстанның Салават районында Малаяз-Югары Кыйгы-Ункурда юлында авариядә «Лада Ларгус» машинасын йөртүче ир-ат үлә. Ул — Лагерево авыл җирлеге депутаты, өч бала әтисе, 50 яшьлек Ялиль Фәхретдинов була. Бу турыда «Башинформ» хәбәр итте.
«Аңа октябрьдә генә 50 яшь тулды. Ялиль Марсович бик күп яхшы эшләр башкарды. Ул авылда юллар төзеде, аларны яңартты, фермер хуҗалыгы бар иде, авылдашлары өчен кибет ачты», — диелгән «Салават җирендә» басмасында.
Республика буенча ЮХИДИ хәбәр иткәнчә, Фәхретдиновның машинасы «Форд Мондео» белән бәрелешә. Аның белән Кыйгы районында яшәүче 23 яшьлек егет идарә иткән. Депутат ашыгыч ярдәм машинасында вафат булган.