Башкортстанда чылбырда тора торган эт күршеләрнең нәни баласын талаган

Башкортстанда 6 яшьлек малайны күршеләренең эте талаган. Эт чылбырда торган, тик фаҗига булган көнне ул ычкынган һәм балалар мәйданчыгында йөри торган балага һөҗүм иткән. Бу турыда «Башинформ» хәбәр итте.

Ярсынган этне башка күршеләре генә баладан аралап ала алган.

Сабый имгәнгән, аны республика балалар клиник хастаханәсенә салганнар.

Башкортстанның Сәламәтлек саклау министрлыгы бу хәбәрне раслаган. «Баланың хәле уртача авырлыкта дип бәяләнә. Тәнендә яралар һәм тырналган урыннар бар. Тиешле ярдәм күрсәтелә», — дигәннәр ведомствода.