Башкортстанда әби белән бабайны тырма һәм балта белән сугып үтергәннәр
Әбинең дә, бабайның башы яраланган.
Башкортстандагы Боланторган авылында ике кешене вәхшиләрчә үтергәннәр. Бу турыда РЕН ТВ хәбәр итте.
Җинаять урынында тырма һәм балта табылган.
РЕН ТВ ачыклаганча, ир белән хатын җинаять корбаны булган. 84 яшьлек бабай белән 79 яшьлек әби мәетен 14 майда тапканнар. Алар шәһәр читендәге бакча участогында булган.
Әбинең башы тишелгән, мәет верандада ята торган булган. Өйдә җиһазларны туздырып бетергәннәр.
Бабайның мәетен өй артында, урамда тапканнар. Аның башы яраланган. Шунда ук тырма яткан.
«Үтерү» маддәсе буенча җинаять эше ачылган.