Башкортстанда бер ир хатыны белән балаларын өенә кертмәгән
Суд приставлары хатын-кызга һәм балаларга өйләренә кире кайтырга ярдәм иткән. Әлеге хәл Башкортстанның Учалы районында булган.
2017 елда иреннән аерылганнан соң, хатын 6 һәм 12 яшьлек балалары белән өеннән чыгып китәргә мәҗбүр булган, дип яза bash.news сайты.
Кире әйләнеп кайткач, элекке ире аны өенә кертмәгән. Өй тигез дәрәҗәдә барысыныкы да, шул исәптән балаларныкы да булып санала. Хатынның барыр җире булмаган, шуңа күрә ул судка мөрәҗәгать иткән.
Суд әлеге хатын-кызны балалары белән бергә законлы яшәү урынына кертергә дигән карар чыгара. Ирне җәза бирү ихтималы турында кисәтәләр, шуннан соң ул гаиләсен өйгә кертергә ризалык биргән.