Башкортстанда базардан кайтканда машинасы әйләнеп капланган бабай һәлак булган
78 яшьлек ир-ат идарәсен югалткан һәм юл кырыена төшеп киткән.
Башкорстанның Хәйбуллин районында юл һәлакәтендә 78 яшьлек бабай үлгән. Бу турыда ЮХИДИга сылтама белән «Башинформ» хәбәр итте.
Авария бүген төш вакытында Садовый-Ивановка юлының 16 нчы километрында була.
«78 яшьлек ир-ат „ВАЗ-2121“ машинасы белән идарәсен югалта һәм машина юлы кырыена төшеп каплана. Ир-ат авария урынында ук һәлак була. Ул хатыны белән базардан кайтып килә торган булган», — дип сөйләгәннәр Башкортстан буенча ЮХИДИда.
Әбинең хәле турында хәбәр ителми. Тикшерү эшләре бара, диелә бу хәбәрдә.
Соңрак ачыкланганча, ир-атның йөрәгендә ишемия авыруы булган, юлда кайтышлый ул күкрәге авыртуын әйткән.
