Башкортстанда авариядә өч үсмер егет һәлак булган
16-17 яшьлек егетләр төялгән ВАЗ-2109 машинасы әйләнеп капланган.
Башкортстанның Кырмыскалы районында Булгаков-Бекетов юлының 4нче километрында авариядә 2002 һәм 2004 елларда туган өч үсмер малай һәлак булган. Бу турыда «Башинформ» хәбәр итте.
Авария турында Россия гадәттән тыш хәлләр министрлыгының Башкортстан буенча Баш идарәсенең Кризис шартларында идарә итү үзәгенә хәбәр иткәннәр.
Якынча мәгълүмат буенча, үсмерләр ВАЗ-2109 машинасында барганда авария килеп чыга. Машина белән идарә итүче кешенең йөртү таныклыгы да булмый. Машина иртәнге дүрт тирәсендә юлда әйләнеп каплана, диелә бу хәбәрдә.
Урынга ЮХИДИ хезмәткәрләре һәм коткаручылар барган. Фаҗига сәбәпләре ачыклана.
