Башкортстанда авариядә 17 яшьлек егет, ат һәм аның ике колыны үлә, өч үсмер имгәнә
Яшьләр төялгән машина белән исерек егет идарә иткән һәм ул хайваннарны бәрдергән.
Башкортстанның Дыуан районында 30 сентябрьдә юл һәлакәте була. Бу турыда ЮХИДИга сылтама белән «Башинформ» хәбәр итте.
Дыуан-Ләмәз автоюлының 2 километрында «ВАЗ-2110» машинасы атны һәм аның ике колынын бәрдерә. Машина белән биредә яшәүче 20 яшьлек егет идарә итә.
Авариядән соң машинадагы 17 яшьлек пассажир үсмер җитди имгәнә һәм урында ук һәлак була. Шушы ук автомобильдәге пассажирлар — 18 һәм 17 яшьлек ике кыз, 18 яшьлек егет имгәнә, аларны хастаханәгә озаталар.
Машина белән идарә иткән егет исерек булуы билгеле, аның йөртү өчен таныклыгы да булмаган.
Авария бик куе томан вакытында килеп чыккан.
Ат та, аның колыннары да һәлак булган, диелә хәбәрдә.