Башкортстанда 33 яшьлек хатын унынчы баласын тапкан
Хәзер бу хатынның биш кызы һәм биш улы бар.
Башкортстанның Ишембай районындагы Әхмәр авылында 33 яшьлек Марина Якимова унынчы баласын тапкан. Бу турыда «Восход» газетасы хәбәр итте.
Нарасый 2021 елда Әниләр көне алдыннан туган. Хәзер бу хатынның биш кызы һәм биш улы бар. Күп балалы ананы депутатлар һзм район администрациясе вәкилләре котлаган.
Бу хатын үзе дә күп балалы гаилә үсүен әйтә. Аның алты ир һәм кыз туганы бар. Шуңа күрә ул үзе дә күп бала үстерү турында хыялланган.
Әни кеше гаиләсенең тату яшәвен сөйли. «Зурлары олыларга ярдәм итә, кечеләренә дәрес әзерләшә. Җәен кош-корт үстерәләр, бакчада эшлиләр», — ди ул.