Башкортстанда 101 яшьлек әби коронавирусны җиңгән
Башкортстанның Күмертау хастаханәсендә 101 яшьлек карчык коронавирусны җиңгән, дип хәбәр итәләр Башкорстанның Бакалы районында чыга торган «Авыл таңнары» газетасының 10 декабрь санында.
Ковидгоспитальдән Федоровка авылында яшәүче 101 яшьлек Камышлова Аниса Матвеевна терелеп чыккан.
Бөек Ватан сугышы ветераны үз гомерендә күпне күрә, күпне кичерә. Төзелештә дә, агач әзерләүдә дә хезмәт итә, 1943 елда фронтка эләгә. Җиңүне Кенигсбергта каршылый.
Кызганыч, коронавирус аны да читләтеп үтми. Ковид хроник авыруның кискенләшүенә китерә һәм Аниса Матвеевна Күмертау шәһәренә коронавирус чирен дәвалау бүлегенә җибәрелә. Кызы белән бергә ул анда ике атна дәвалана. Карчык чирне авыр кичергән, чөнки өлкән яшьтәге пациентларны ковидтан дәвалау организмдагы авыруларның кискенләшүе, өзлегүләр барлыкка килү белән катлаулана.