Башкортстан кешесе корбанының күз алмаларын кисеп алган
Ир-ат адресны бутавын, башка кешене үтерергә теләвен әйтә.
Краснодар краеның Петровская станицасында бер әбине вәхшиләрчә үтергәннәр. Җинаятьче Башкортстан кешесе булып чыккан. Бу турыда «Башинформ» хәбәр итте.
Таныш булмаган ир-ат пенсионер хатын өенә бәреп керә. Әбигә берничә тапкыр пычак кадый, аннары күз алмаларын кисеп ала.
РЕН ТВ каналы белешмәсе буенча, җинаятьче моның белән генә чикләнми. Ул корбанының авызына пыяла ватыклары тыгып куя, аннары шул килеш үләргә калдырып чыгып китә.
Вәхшиләрчә җинаять кылган кешене шул ук көнне тоталар. Ул Башкортстан кешесе булып чыга.
Сорау алганда, ир-ат адресны бутавын әйтә. Ул башка кешене үтерергә теләгән булган. Җинаятьченең наркотиклар кулланган булуы билгеле, диелә хәбәрдә.