Башкортстан хоккейчысы Айнур Гатин автоһәлакәттә үлгән
Егет командадашлары белән матчка барганда авариягә очраган.
Башкортстанның Тәтешле районының хоккей командасы голкиперы Айнур Гатин Башкорстанда авариядә һәлак булган. Бу хәбәрне республиканың хоккей федерациясе таратты.
"17 мартта автокатастрофа нәтиҗәсендә Тәтешле районы голкипеды Айнур Гатин һәлак булды. Фаҗига командадаш дуслары белән Уфага чираттагы чемпионатка барганда була", - диелә хәбәрдә.
Автоһәлакәттән соң өч кешене хастаханәгә илткәннәр.
"Интерфакс" агентлыгы хәбәр иткәнчә, егетләр "Хендай Солярис" җиңел машинасында "Донг Фенг" йөк машинасы белән бәрелешә. Айнур рульдә була. Ул һәлак, пассажирлар тән җәрәхәтләре алган.
