Башкортстан эшмәкәре санкциягә үч итеп Apple планшетын чүкеч белән ваткан - видео
«Американнарның санкцияләренә безнең җавап шундый», — ди ул.
Башкортстандагы «У Альберта» оешмасы хуҗасы Альберт Мөхәммәдьяров iPad планшетын чүкеч белән бәреп ваткан. Ул санкцияләргә шул рәвешле җавап биргән. Бу турыда «Башинформ» яза.
Альберт Мөхәммәдьяров Apple товарын ватарга ярдәмгә улын да чакырган.
«Американнарның санкцияләренә безнең җавап шундый. Без сездән курыкмыйбыз. Менә сезгә модный матур нәмәрсәләр. Без аларсыз да яшибез», — ди ул.
ТАСС хәбәр иткәнчә, Apple компаниясе Россиядә үз продукциясен сатуны бөтенләй чикләде. Узган атнада илдәге барлык дистрибьюторларга да экспорт туктатылды. Apple Pay һәм башка сервисларны куллану да чикләнде.