Башкортстан блогеры Рөстәм Нәбиев биш миллион сумлык протезын күрсәтте
Инстачылар блогерны «син булдырачаксың», дип рухландырган.
Армиядә казарма ишелеп, ике аяксыз калган Башкортстан блогеры Рөстәм Нәбиев яңа протезларында беренче адымнарын ясаганын күрсәтте.
«Минем 5 миллион сумлык KENEVO протезлары. Ул элеккесеннән җиңел һәм идарә итүе гади булуы белән аерылып тора. Бу протезлар ике аягы да булмаган кешеләр өчен махсус ясалган. Озак вакыт протезга басмаганнан соң яңасы да авыр тоела, әмма аерманы сизәм. Шуңа күрә бу протезга ияләшермен дип ышанам», — дип хис-кичерешләре белән уртаклашкан ул.
Инстачылар Рөстәм Нәбиевнең ихтыяр көченә сокланган. Алар блогерны «син булдырачаксың», дип рухландырган.
