Башкортстан блогеры кышкы урманны күрсәтеп, язылучыларын «ах» иттергән
Айдар Кәлимуллин хайваннар белән кызыклы видеолар төшереп танылды.
Башкортстанда яшәүче блогер Айдар Кәлимуллин язылучыларына авыл тормышын күрсәтә. Бу юлы ул аларны сихри һәм әкияти кышкы урманга «алып барган».
Видеода ул җигелгән ат чанасында урманга бара, артыннан чана эзе кала, яныннан эте йөгерә. Ә урман әкияти матур, инстачылар «ах» иткән.
Күпләр бу видеоны карагач, шушы серле урманны үз күзләре белән күргән блогердан «көнләшкән».
«Бу бит могҗиза», «Чын әкият», «Менә бу табигать күренешен һәркемгә күрергә кирәк», «Син бик бай», дип язган инстачылар.
