Башкортстан блогеры кулында казларны биетә, буаз сыерны күрсәтә
Айдар Кәлимуллин авыл тормышын күрсәтә, йорт хайваннары белән видеолар төшерә.
Башкортстан блогеры Айдар Кәлимуллин чираттагы видеосы белән язылучыларының кәефен күтәргән. Видеода күренгәнчә, ул ике казны чиратлап кулында биетә, аннары буаз сыер янына керә. Аны тиздән «ана һәм бала» бүлмәсенә күчерәсе була дип шаярта.
Блогерның сыерны «ана һәм бала» бүлмәсенә күчерәм дигән сүзләре инстачыларның кәефен күтәргән. Алар: «Зорьканың ничек бозаулаганын да күрсәтмисеңме һәм УЗИ ясадыгызмы, кемне көтә?» — дип кызыксынган.
«Бу казлар циркта чыгыш ясый алыр иде»;
«Казлар дрессировщигы», дип комментарийлар һәм бик күп смайликлар калдырганнар.
Ерак шәһәрләрдә туган авылларын сагынып яшәүчеләр Айдарга рәхмәт әйтеп яза. Алар видеоларны карап авылларын, балачакларын искә төшерә икән.