Башкортстан Башлыгының хезмәт хакы ничә сум?
Радий Хәбиров ай саен 480 мең сум алачак.
Башкортстан Башлыгы Радий Хәбировның 2022 елда хезмәт хакы, 2021 елдагы кебек үк, 5 млн 866 мең 800 сум булачак. Бу турыда «Башинформ» хәбәр итте.
«2021 ел һәм пландагы 2022-2023 елларга Башкортстан Республикасы бюджеты турында» Башкортстан Республикасы законына үзгәрешләр кертү турында» закон буенча, 2022 елда Радий Хәбиров 5,8 млн сум, яки ай саен 480 мең сум алачак. Башкортстан Финанслар министрлыгының рәсми сайтындагы документта шул хакта язылган, диелә хәбәрдә.