Башкортстан авылында оча торган аппарат ясаганнар — видео
Марсель Котлыбаев әлеге җайланманы унике ел буена ясаган.
Башкортстанның Гафури районындагы Сәетбаба авылында яшәүче Марсель Котлыбаев оча торган аппарат ясаган. Бу турыда «Башкортстан» телевидениесе хәбәр итте.
Оста куллы Марсель бу җайланманы 12 ел дәвамында ясавын сөйли. Бу елларда ул аппаратны җыя, техник хаталарын төзәтә.
Тылсымлы машина җирдән өч метр чамасы биеклеккә күтәрелә, зур булмаган ераклыкка очып барып җитә.
Марсель тагын да катлаулырак аппарат ясап, ерак очышлар турында хыяллана, диелә бу хәбәрдә.