«Башкортостан» киностудиясенең элеккеге директоры Азамат Хуҗахмәтов вафат
Кинорежиссер 58 яшендә үлгән.
Уфада кинорежиссер, «Башкортостан» киностудиясенең экс-директоры Азамат Хуҗахмәтов 58 яшендә вафат. Бу турыда «Башинформ» хәбәр итте.
Режиссер-документалист, Россия Кинематографистлар союзы әгъзасы, илледән артык документаль, публицистик, музыкаль телефильм авторы була.
Ул 1985 елда Уфа сәнгать училищесын тәмамлаган. 1990 елда «Баштелефильм» оешмасына рәссам-мультипликатор булып эшли башлый. «Киевнаучфильм» һәм «Останкино» каналларында стажировка уза.
1996 елда «Башкортстан» телеканалында режиссер булып эшли башлый, аннары телевидение студиясенең баш сәнгать җитәкчесе була.
2011 елдан «Россия-Башкортстан» телеканалына баш режиссер булып күчә. 2012 елдан «Башкортстан» киностудиясе директоры була. Соңгы елларда «Сәлам» телеканалы баш режиссеры булып эшли.