Башкала үзәгендә тротуарда җәяүлеләрне такси бәрдергән: коточкыч мизгел видеосы

Мәскәү уртасында тротуарда басып торган кешеләр өстенә такси килеп кергән видеоны социаль челтәр кулланучылар интернетка куйды.

Авария узган шимбәдә Ильинка урамында булды. Автомобильнең кисәк кенә рулен борып, юлдан чыгып, җәяүлеләрне бәрдергәне видеокадрларда күренә. Шуннан соң йөртүче машинадан чыгып качмакчы була.

ТАСС агентлыгы хәбәре буенча, биш кешене хастаханәгә китергәннәр. Шуларның икесе Мексика, берсе — Украина һәм икесе Россия кешесе. Тагын өч кеше имгәнгән, алар хастаханәгә барудан баш тарткан.

Агентлык хәбәр иткәнчә, машина йөртүче газ һәм тормоз педальләрен ялгышкан. Ул инде 20 сәгать руль артында булуын әйткән, урыннан качарга тырышуын курку белән аңлаткан.

Видео наезда такси на пешеходов в центре Москвы.pic.twitter.com/UgMLPnuuzc

— Тот самый Мартин (@martin_camera) 16 июня 2018 г.