«Бас әле, ыстанокка»: «Туганайлар» газетасының Инстаграмда маскалары барлыкка килде
Маска берничә төрле сүзтезмәдән тора.
Инстаграм сторисларында маскалар кулланып, фото һәм видео төшерү хәзер бик популяр. Шуңа күрә, керәшен карендәшләребез өчен үз маскабызны булдырдык, дип яза «Туганайлар» газетасы.
Масканы куллану бик җайлы. Моның өчен безнең Инстаграм битебезгә @kryasheny_tuganaylar кушылырга һәм маска төшерелгән төймәгә басарга кирәк.
Маска берничә төрле сүзтезмәдән тора. «Керәшен чибәре», «Арумысез», «Бас әле, ыстанокка» һәм башка сүзләр экранга баскан саен алышына. Күзләрне ачып-йомганда керәшеннәрнең символы булган кечкенә айбагыр рәсемнәре атыла.
Карендәшләр, маскабызны кулланганда сторисларыгызда безне билгеләргә онытмагыз!