«Барлык үтүкләрдән дә яңгырый торган җыр»: Гүзәл Уразова белән Илдар Хәкимовтан премьера

Гүзәл Уразова белән Илдар Хәкимов яңа җыр яздырган. «Ярат әле мине генә» җырының сүзләрен Айгөл Вәлиуллина, ә көен Рамил Әсхәдуллин язган.

«Бу җырны яздырганда, Марат Мухин «барлык үтүкләрдән дә уйный торган җыр бу» диде. Ышанабыз. Яңа сезонга яңа җыр бездән, яхшы кәеф сездән», – дип яза җырчы.

1000 комментарий җыелса, клип та төшерергә вәгъдә итә иҗади гаилә. Җырга яздырган видеога караганда, клип кызыклы булырга тиеш.

Яңа җырны тыңларга өлгерүчеләр «хит булачак» дип юрый.