13 ноябрь көнне Пермь краеның Барда районында нәшер ителүче «Таң» газетасы 95 еллык юбилеен билгеләп узды. Бу турыда Бөтендөнья татар конгрессы хәбәр итте.
Бәйрәм чарасы Барданың Мәдәният һәм ял үзәгендә узды. Бөтендөнья татар конгрессының Мәгълүмат хезмәте һәм массакүләм мәгълүмат чаралары белән элемтә идарәсе хезмәткәре, шагыйрь Булат Ибраһимов Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев исеменнән тәбрикләмәне укыды, редакциягә ноутбук алу өчен сертификатны баш мөхәррир Индира Хаҗиевага тапшырды, диелә хәбәрдә.