Башкортстанның Кушнаренко районы Сабан туенда сугыш чыккан.
Тамашачылар каршы якны үпкәләтерлек сүзләр кычкырган, дип язалар. Нәтиҗәдә, көндәш көрәшчеләрне яклаган тамашачылар сугыша башлый. Сугышка көрәшчеләр дә катнашып китеп, мәйдандагы барлык ирләр дә диярлек тукмашуда катнашкан, дип язалар.
Социаль челтәрләрдә бу сугышта катнашучыларны гаепләп язалар: «Ничек телиләр, шулай күңел ачалар», «Кешеләр ничек кыргыйлашкан! Күпме яшәп, Сабан туенда беркайчан да сугышканнарын күргәнем юк иде», «Бәрәннәр бәрәнне бүлешә алмаган», «Сарык көтүе», «Сугышсыз Сабан туе күңелсез».