«Бар кайгыгыз шулмы?»: Гөлназ Асаева инстаграм бетә дип борчыла
Гөлназ Асаева үзенең телеграм-каналын булдырган.
Күпчелек блогер һәм җырчылар дөньяда барган сәбәпләр аркасында инстаграм бетеп китәр дип борчылып, үзләренең телеграмм каналларын булдырганнар. Шул исәптән җырчы Гөлназ Асаева да.
«Инстаграм булмаска да мөмкин диләр. Телеграм-каналга өйрәнеп китеп булырмы икән», — дип үзенең каналына сылтама да калдырган. Шунда ук үзенең әле бу каналны куллана белмәве турында да яза: «Дөрес, әлегә анда нишләргә кирәклеген аңламыйм. Тиз арада өйрәнермен дип уйлыйм», — ди җырчы.
Гөлназ Асаеваның инстадуслары телеграм-каналда эшләү буенча җырчыга үзләренең киңәшләрен бирә башлаганнар.
«Бар кайгыгыз шулмы хәзер», — дигән берсе. «Бетерсәләр, тизрәк бетерсеннәр. Башка кайгылар да җитәрлек», — дип тә язганнар.
Җырчының бер язылучысы үзенең әлеге телеграм-каналга керә алмавы турында язып, нишләргә дип, киңәш тә сораган.