Банкомат «басучы» маймылны видеога төшереп алганнар
Кызыклы вакыйга Һиндстанда булган.
Һиндстанның Нью-Дели шәһәрендә бер банкоматны ватканнар. Әлеге хәлне видеокүзәтү камерасы төшереп торган. Бу кадрлар «Вести» каналы сайтында чыкты.
Банкоматка һөҗүм итүләре билгеле булгач, урынга полиция килеп җиткән. Алар ботарлап ташланган аппаратны тапкан. Шуннан соң видеокүзәтү камераларын караганнар.
Кадрлардан күренгәнчә, җинаятьче маймыл булып чыккан. Дүрт куллы хайван башта павильондагы себерке белән уйнап йөри. Аннары «банк басарга» карар кыла. Ул банкоматны ачу җаен таба.
Җинаятьче маймыл үзе полиция килгәнче качып өлгерә. Ул акчаларны урлап тормаган, диелә бу хәбәрдә.
