Балык Бистәсендә коточкыч һәлакәт: ике кеше үлгән, дүрт кеше яраланган
Балык Бистәсе районының Саескан Тавы торак пункты янындагы юл һәлакәтендә өч яшьлек балага да зыян килгән.
Ике җиңел автомобиль бәрелешү нәтиҗәсендә берсендә утырган ирле-хатынлы пар, аларның өч яшьлек баласы һәм тагын бер пассажирга зыян килгән. Икенче машина - Митсубисиның йөртүчесе һәм янында утырган пассажир һәлак, дип хәбәр итә Гадәттән тыш хәлләр министрлыгы вәкилләре.
Хәзерге вакытта һәлакәт урынында коткаручылар һәм медицина хезмәткәрләре эшли. Һәлак булучыларның гәүдәләре машинадан чыгарылган.
