Балтач районы Алан авылында сугыш ветеранын үзенчәлекле итеп котлаганнар
Авылда бер генә ветеран — 94 яшьлек Габделгани Нәҗипов яши.
Балтач районы Алан авылында сугыш ветераны Габделгани Нәҗиповны үзенчәлекле итеп котлаганнар.
Авылда бер генә ветеран — 94 яшьлек Габделгани Нәҗипов яши. Район үзәгеннән махсус автомобиль килгән, ул Җиңү көне символикасы белән бизәлгән.
Ветеран хөрмәтенә «Җиңү көне» җырын башкарганнар һәм сугыш чоры тематикасына бию башкарылган.
Авылда шулай ук ике тыл ветераны — Зәйтүнә Мотыйгуллина һәм Мөнирә Хафизова яши. Бәйрәм көнне аларны да котладык диде “Бөрбаш” хуҗалыгының Алан авылы идарәчесе Таһир Хисаметдинов.