Балтач кызы табылган: кызның абыйсы эзләүдә катнашучыларга рәхмәтен җиткерде
Кызның абыйсы социаль челтәрләрдә халыкка рәхмәтен җиткерә.
Кичә кич мессенджерларда һәм социаль челтәрләрдә Балтачтан Гөлсириннең югалуы хакында хәбәр чыккан иде. Аның абыйсы Ранил сеңлесенең табылуы хакында хәбәр итте. "Ул табылды, бар да әйбәт. Барыгызга да ярдәм итүегез өчен зур рәхмәт, үзем дә, безнең гаилә дә сезгә бик рәхмәтле", - дип яза Ранил.
Кызның әнисе "Интертат"ка Гөлсириннең кайда булырга мөмкин булуы хакында сөйләгән иде.